Болгар ислам академиясендә Мәрҗанинең 200 битлек кулъязма текстын цифрлаштырдылар

Дини уку йорты Австриянең Инсбурк шәһәре белгечләре белән тыгыз хезмәттәшлек итә.

(Казан, 13 февраль, «Татар-информ», Рөстәм Килсинбаев). Болгар ислам академиясендә Шиһабетдин Мәрҗанинең «Тарих әлвафаяти әслаф» дип исемләнгән 200 битлек кулъязма текстын цифрлаштырдылар. Бу хакта «Татар-информ» агентлыгына академиянең президенты Камил Исхаков хәбәр итте.

Текстны цифрлаштыру эше Австриянең Инсбрук шәһәре белгечләре белән берлектә алып барыла.

Болгар ислам академиясе - үз эшчәнлеген 2017 елның сентябрендә Россия җитәкчелеге ярдәмендә башлап җибәргән федераль проект. Уку йорты ислам дин белеме мәктәбен яңадан торгызу һәм мөселман галимнәре әзерләү максатыннан оештырылган.