Түбән Кама уку йортларында кабул итү комиссияләре эшли башлады

Яңа таләпләр буенча уку йортларында Бердәм дәүләт имтиханы күрсәткечләренең дөрес булуын тикшерергә мәҗбүрләр
(Казан, 12 июль, “Татар-информ”, Роза Исмәгыйлова). Түбән Каманың барлык югары һәм урта һөнәри белем бирү йортларында кызу “урак өсте”: кабул итү комиссияләре эшли башлады. Бу хакта Түбән Кама телерадиокомпаниясе хәбәр итә.
Яңа таләпләр буенча, уку йортлары Бердәм дәүләт имтиханнары билгеләренең дөреслеген тикшерергә мәҗбүр. Алар моны федераль таныклыклар базасы буенча эшләячәк. Чыгарылыш сыйныф укучыларына кабул итү комиссиясенә паспорт-аттестатларын яисә аларның күчермәсен күрсәтергә кирәк булачак.