Сентябрьдә дәүләт аттестациясе имтиханын кабат тапшырып булачак

Имтихан бирү көннәре һәм урыны билгеле

 (Казан, 10 сентябрь, “Татар-информ”). Дәүләт аттестациясе имтиханын бирә алмаган яки беренче тапкыр биреп тә, начар билге алган укучылар аны 20-30 сентябрь көннәрендә яңадан тапшыра алачак. Имтихан бирү вакытын ТР Мәгариф һәм фән министрлыгы билгеләде.

Аерым алганда, 20 сентябрьдә математикадан, ә 27 сентябрьдә рус теленнән дәүләт аттестациясе имтиханын кабат тапшырырга мөмкин булачак. 30 сентябрь исә резерв көн булып санала.

Имтиханны кабат тапшыру өчен Татарстанда 4 пункт билгеләнгән. Болар: Казанның татар телендә белем бирүче 155 нче һәм Яшел Үзәннең 10 нчы гимназияләре, Лениногорск шәһәренең 8 нче, Түбән Каманың 12 гомуми урта белем бирү мәктәпләре, дип хәбәр итә ТР Мәгариф һәм фән министрлыгының матбугат хезмәте.