Мәктәп укучылары торак-коммуналь хуҗалыгы нигезләре буенча кибертурнирда катнаша ала

Онлайн-ярышка V-VIII сыйныф укучылары чакырыла.

(Казан, 8 октябрь, «Татар-информ»). Татарстан мәктәпләрендә укучылар торак-коммуналь хуҗалыгы нигезләре буенча «ЖЭКА» кибертурнирында катнаша алачак. Онлайн-ярышка V-VIII сыйныф укучылары чакырыла, дип хәбәр итә Казан мэриясенең матбугат хезмәте.

«Ярышта катнашу өчен уен сайтында (igra-jeka.ru) теркәлергә кирәк. Гаризалар 30 октябрьгә кадәр кабул ителә», - диелә хәбәрдә.

Биремнәрне 11-15 ноябрьдә үтәргә һәм баллар җыярга кирәк. Җиңүчеләргә дипломнар һәм бүләкләр тапшырылачак.

Кибертурнирны Торак-коммуналь хуҗалыгын реформалаштыруга ярдәм күрсәтү фонды, ТР торак-коммуналь хуҗалыгы өлкәсендә Төбәк Иҗтимагый контроль үзәге, ТР Мәгариф һәм фән министрлыгы оештыра.