Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чистайда иң яхшы студентларга Морозов стипендиясен тапшырдылар
Морозов стипендиясенә кандидатлар — өч семестр дәвамында сессияне бары бишлегә япкан егетләр һәм кызлар.
(Чистай, 6 март, «Татар-информ», «Чистай хәбәрләре», Анна Яковлева). Казан илкүләм тикшеренү-техник университетының «Восток» Чистай филиалының өч студенты Россия Дәүләт Думасы депутаты Олег Морозовтан стипендия алды.
Өч семестр дәвамында бары бишлегә уку, тәртип һәм активлык — исемле стипендия өчен төп таләпләр. Югары уку йортында андый студентлар шактый, шуңа күрә иң яхшыларны сайлап алу җиңел булмаган. Шуңа да сайлап алу процедурасы ачыктан-ачык булган.
"Стипендиягә кандидатлар турында без гыйльми советта фикер алышабыз. Кемнедер район башлыгы стипендиясенә, кемнедер югары уку йортының арттырылып түләнә торган стипендиясенә тәкъдим итәбез. Морозов стипендиясенә кандидатлар — өч семестр дәвамында сессияне бары бишлегә япкан егетләр һәм кызлар", — диде Казан университеты филиалы директоры.
Булачак белгечләр Екатерина Главнова, Даниил Александров, Регина Гайнатуллина — II һәм III курс студентлары. Алар югары теоретик, практик белемнәрен күрсәтә, техник белгечлекләрне үзләштерә, университет тормышында актив катнаша. Стипендиатлар төрле юнәлешләрдә үсүләрен билгеләп үттеләр.
Дәүләт Думасы депутаты белән очрашуда студентларның сөйләрлек яңалыклары күп булды. Гадәттәгечә, чара тере аралашу форматында узды. Олег Морозов университет диварларын якын күрә. Ул белемле яшьләрне хөрмәт итә, шуңа күрә уку алдынгыларын исемле стипендия белән бүләкләргә карар иткән.
Соңыннан депутат илдәге һәм дөньядагы сәяси вәзгыять турындагы фикерләре белән уртаклашты. Шулай ук спикер студентлар белән аралашудан гаять күп энергия алуын билгеләп үтте.
Кызыклы яңалыкларны күзәтеп бару өчен Телеграм-каналга язылыгыз