Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Васил Гарифуллин: Мәктәпләрдә медианы өйрәнү фәнен булдырырга вакыт
"Татар-информ" мәгълүмат агентлыгында КФУның Журналистика һәм медиакоммуникацияләр югары мәктәбендә журналист булырга теләүчеләрдән документлар кабул ителә башлавына багышланган матбугат конференциясе узды.
(Казан, 5 июль, «Татар-информ», Рузилә Мөхәммәтова). КФУның Журналистика һәм медиакоммуникацияләр югары мәктәбе профессоры Васил Гарифуллин мәктәпләрдә медианы өйрәнү фәнен булдырырга вакыт җиткәнлеге турында әйтә. Бу фикерләрен ул «Татар-информ»да үткән матбугат конференциясендә җиткерде.
«Күптәннән әйтеп киләм: мәктәптә медианы өйрәнү фәне булырга тиеш. Аларга нинди сайтларда нәрсә барлыгы да өйрәтелергә тиеш. Без балаларга әдәбиятны өйрәтәбез, укырга тиешле әдәбият исемлеген бирәбез. Ә бит бүгенге көндә кешегә әдәбиятка караганда медиа ныграк йогынты ясый», — ди ул.
«Балага мәктәптә 11 ел буе әдәбиятны тукыйбыз, ә интернеттан ничек файдаланырга өйрәтмибез. Күпчелек әти-әни баласының нинди контент белән кызыксынуына игътибар да итми. Бу гаиләдә генә түгел, мәктәптә аерым бер фән булырга тиеш», — ди Югары мәктәпнең Милли һәм глобаль медиачаралар кафедрасы мөдире Васил Гарифуллин.
«Социаль челтәрләр зур чүплек базына әверелде. Бик яхшылап эзләсәң аннан алтын да табарга була. Интернет киңлекләрендә мәгълүматның бик азы гына журналистикага карый. Күп кеше аны аермый да. Анда чүп язучылар да, чын журналистика әсәре биреп утыручылар да бар», — ди журналистларның остазы.
«Татар-информ» мәгълүмат агентлыгында КФУның Журналистика һәм медиакоммуникацияләр югары мәктәбендә журналист булырга теләүчеләрдән документлар кабул ителә башлавына багышланган матбугат конференциясе узды.
Кызыклы яңалыкларны күзәтеп бару өчен Телеграм-каналга язылыгыз