Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рособрнадзор чит телләр буенча мәҗбүри имтиханны гамәлдән чыгаруны хуплады
Россиянең шәһәр һәм авыл мәктәпләрендә чит телләр укыту дәрәҗәсе нык аерыла, дип саныйлар ведомствода.
(Казан, 3 август, «Татар-информ»). Рособрнадзор Россия Мәгариф министрлыгының чит телләр буенча мәҗбүри бердәм дәүләт имтиханыннан баш тарту карарын хуплады. Бу хакта ведомство башлыгы вазифаларын вакытлыча башкаручы Анзор Музаев сүзләренә сылтама белән Sputnik радиосы хәбәр итә.
«Безнең фикеребезчә, бик дөрес карар кабул ителде. Иң яхшысы 9 һәм 11 сыйныфлар арасында бөтенроссия тикшерү эшләре, контроль эшләрне югары дәрәҗәдә үткәрергә», — дип белдерде Музаев фикерен.
Рособрнадзор җитәкчесе вазифаларын вакытлыча башкаручы сүзләренчә, зур шәһәр мәктәпләрендә чит телләр югары дәрәҗәдә укытылуы билгеле, ә авыл мәктәпләрендә алай түгел. Шулай ук, аның фикеренчә, чит телләр буенча мәҗбүри бердәм дәүләт имтиханы туган тел укытыла торган мәктәпләрдә укучыларга өстәмә йөкләнеш булырга мөмкин.
Кызыклы яңалыкларны күзәтеп бару өчен Телеграм-каналга язылыгыз