news_header_top
Руc Тат
16+
news_header_bot
news_top
Фән һәм мәгариф 2 июнь 2008 14:01

Татарстанда җәйге лагерьлар эшли башлый

Татарстанда яшәүче балалар быел республикадан читкә чыгып та ял итәчәк

Скопировать ссылку
(Казан, 2 июнь, “Татар-информ”, Римма Гатина). Республикада бу ай башыннан муниципаль берәмлекләрдә мәктәпяны һәм шәһәр янындагы стационар җәйге лагерьлар эшли башлый. Бүген, мәсәлән, Әлмәт, Зәй, Чүпрәле, Тәтеш, Түбән Кама районнарында һәм Яр Чаллы шәһәрендә мәктәпяны лагерьлары тантаналы шартларда ачыла. Бу хакта ТР Мәгариф һәм фән министрлыгының рәсми сайты хәбәр итә.
Дүртенче июньдә – Лениногорск районында “Исәнме, җәй!” дип исемләнгән мәктәпяны лагерьларын ачу буенча программалар каралган. Ә алтынчы июньдә Чистай районында “Тылсымчы хатасы” дип аталган әкият атнасы башлана. Тугызынчы июньдә исә Тукай районында мәктәпяны сәламәтләндерү лагерьларының беренче сменасы ачыла. Унынчы июньдә Чүпрәле районының “Чайка” стационар-сәламәтләндерү лагере эшли башлый.
Республикада эшли торган барлык мәктәапяны лагерьларында ТР Эчке эшләр министрлыгының ЮХИДИ идарәсе тарафыннан оештырылган “Игътибар, балалар” республика акциясе кысаларында “Юлда йөрү кагыйдәләрен бел һәм үтә” дип аталган тематик чаралар оештырылыр дип көтелә.
Татарстанда яшәүче балалар быел республикадан читкә чыгып та ял итәчәк. Рәсми мәгълүматларга караганда, 4 июньдә ата-ана тәрбиясеннән мәхрүм 50 бала Алушта шәһәрендәге “Алтын башак” сәламәтләндерү лагеренә юл тотачак. Сигезенче июньдә исә Татарстанның яшь талантлары (100 кеше) Анапа шәһәрендәге “Бәхетле балачак” сәламәтләндерү лагерендә оештырылган “Яшь талантлар” профиль сменасында ял итәргә барачак.

news_right_1
news_right_2
news_bot