Сәясәт 13 сентябрь 2020 10:58

Сайлауның беренче ике көнендә Әлмәттә сайлаучыларның 60 проценты тавыш биргән

Шәһәрдә һәм районда 116 сайлау участогы оештырылган: алар 11, 12 һәм 13 сентябрь көннәрендә иртәнге 8дән кичке 8гә кадәр эшли.

Скопировать ссылку

(Әлмәт, 13 сентябрь, «Татар-информ», «Әлмәт таңнары». Татарстанның Әлмәт районында көзге сайлауларның беренче ике көнендә сайлаучыларның 60 проценттан артыгы тавыш биргән. Бу хакта шәһәр территориаль сайлау комиссиясе рәисе урынбасары Татьяна Ершова җиткерде, дип хәбәр итә almet-rt.ru.

Әлмәт төбәгендә Татарстан Президентын һәм җирле үзидарә вәкиллекле органнарына депутатлар сайлау буенча тавыш бирү дәвам итә. Шәһәрдә һәм районда 116 сайлау участогы оештырылган. Алар 11, 12 һәм 13 сентябрь көннәрендә иртәнге 8дән кичке 8гә кадәр эшли. Моннан тыш, мобиль пунктлар да бар: шәһәр халкы 6 автобус һәм ике чатырда тавыш бирә ала.

Сайлаулар санитар-эпидемиологик таләпләрне саклап уздырыла. Участок хезмәткәрләре урыннарда көненә берничә тапкыр дезинфекцияләү оештыра, бүлмәләрне җилләтеп тора. Биналарда шулай ук социаль дистанция саклау өчен махсус тамгалар да төшерелгән, тавыш бирү өчен кабиналарның исә алгы пәрдәләре юк.

Сайлау комиссиясе әгъзаларының, күзәтүчеләрнең һәм тавыш бирүчеләрнең тән температурасын үлчәнә. Һәркемгә битлек, ручкалар бирелә.

Мәгълүм булганча, 11-13 сентябрьдә Татарстанда республика Президентын сайлау, шулай ук Россия Дәүләт Думасына һәм Татарстан Дәүләт Советына, муниципаль берәмлекләрнең вәкаләтле органнарына депутатлар сайлау буенча да өстәмә сайлаулар уза.

#Әлмәт таңнары #Әлмәт #сайлау #сайлаучы #сайлау участогы

Сәхифәләр

Сайлауның беренче ике көнендә Әлмәттә сайлаучыларның 60 проценты тавыш биргән