Сайлауларга гаиләләр белән килүчеләр сөендерә – Илдар Гыйльметдинов
Депутат балаларны сайлау участокларына алып килүне яхшы күренеш, дип атады.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 18 март, “Татар-информ”, Гөлнар Гарифуллина). Россия Федерациясе Президентын сайлауга гаиләләре белән килүчеләр шактый. Россия Федерациясе Дәүләт Думасының Милләтләр эшләре буенча комитет рәисе Илдар Гыйльметдинов Татарстан Республикасы Иҗтимагый палатасының мәгълүмати-эксперт үзәгендә шул хакта белдерде.
Ул бүген үзенең Мәскәү районында 122 нче мәктәптә тавыш биргәнен әйтте. Депутат, узган сайлауларга караганда, сайлаучыларның саны күп булуын, иртән ачылуга хәтта чират та торганнарын билгеләп узды. “Һәрвакыт 11 ләр тирәсендә барырга тырышам. Иртәннән үк халык күп килгән. Гадәттә, Казан иртүк актив булмый иде. Йокы туйгач, соңрак бара иделәр. Бу очракта халык шактый актив. Гаиләләр белән килүләре сөенечле. Безне дә әти әниләр сайлау участокларына үзләре белән алып килә иделәр. Бу үзенә күрә тәрбия чарасы, киләчәктә эстафета аларга күчәчәгенә ишарә дә”, - диде Илдар Гыйльметдинов.
“Татарстан Россия Федерациясенең әйдәп баручы төбәкләренең берсе. Безгә, республикага, башка субъектлар да карый - Татарстан бу сорауда ничек эшли дип гел кызыксыналар”, - диде.