Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сайлаулар барышында җәмәгатьчелеккә административ басым юк – Фәрит Мөхәммәтшин
“Зинһар, Татарстанда мәҗбүриләүгә фәрман бар дип әйтмәгез. Бу күренеш һич юк”, – дип белдерде Дәүләт Советы Рәисе.
(Казан, 18 март, “Татар-информ”, Гөлнар Гарифуллина). Сайлаулар барышында җәмәгатьчелеккә бернинди административ басым юк. Татарстан Республикасы Дәүләт Советы Рәисе Фәрит Мөхәммәтшин Татарстан Иҗтимагый палатасының мәгълүмати-эксперт үзәгендә матбугат конференциясендә шулай дип белдерде.
Сүз – балалар бакчаларында, мәктәпләрдә әти-әниләргә тавыш бирүләре турында хисап тотарга тиешлекләре турында имеш-мимешләр хакында. “Миңа калса, оппозицион кандидат һәм аларның вәкилләреннән вазгыятьне куертырга теләү барадыр. Бернинди басым, хисап тоту, җәзалаулар булмаячак. Бу билгеле бер яшькә җиткән һәр мөстәкыйль кешенең үз теләге, аларның хокукы, бер үк вакытта бурычы да. Зинһар, Татарстанда мәҗбүриләүгә фәрман бар, дип әйтмәгез. Бу күренеш һич юк”, – дип ассызыклады Фәрит Мөхәммәтшин.
Кызыклы яңалыкларны күзәтеп бару өчен Телеграм-каналга язылыгыз