Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сарманда яшәүче ир-ат янгында җитди тән җәрәхәтләре алган
Ирне куллары, аркасы һәм корсагы пешкән хәлдә Чаллы хастаханәсенә озаталар.
(Казан, 10 апрель, «Татар-информ»). Сарманда яшәүче кеше мунчада янгында җитди тән җәрәхәтләре алган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«Кичә кичен Гадәттән тыш хәлләр министрлыгына Татарстан урамында шәхси мунча януы турында хәбәр килде. Урынга 131нче номерлы часть янгын сүндерүчеләре китте», – дип сөйләделәр Гадәттән тыш хәлләр министрлыгында.
Янгын сүндерүчеләрне уттан зыян күргән йорт хуҗасы каршы алган. Ул бинада беркем дә юк, дип сөйләгән. 15 квадрат метр мәйданда мунчаның түбәсе янган. Утның биш метр ераклыкта торган гаражга күчү куркынычы булган.
Утны җиде минут эчендә сүндерәләр. Башлангыч фаразлар буенча, мич якканда янгын куркынычсызлыгы кагыйдәләре бозылган.
54 яшьлек ирне кулы, аркасы һәм корсагы пешкән хәлдә Чаллы хастаханәсенә озаталар.
Кызыклы яңалыкларны күзәтеп бару өчен Телеграм-каналга язылыгыз