Сарманда Җиңү көненә солдат боткасы пешергәннәр
Район хакимияте каршындагы мәйданчыкта оештырылган бәйрәм чаралары, парад һәм митингтан соң халык тамак ялгады.
Скопировать ссылку
(Казан, 10 май, "Татар-информ", "Сарман"). Кичә Бөек Җиңүнең 74 еллыгын каршылау тантанасы кысаларында, Сарман районы үзәгендәге Ял паркында оештырылган бәйрәм чаралары сарманлылар өчен солдат боткасы белән дә истәлекле булды. Бу хакта район басмасы яза.
Казаннарда тәмле булып ботка пеште, чәйнекләрдә чәй кайнады, алар яныннан солдат боткасын авыз итеп карарга теләүчеләр өзелмәде. Хәер, нәкъ менә урынын һәм вакытын белеп кенә пеште ул ботка.
Район хакимияте каршындагы мәйданчыкта оештырылган бәйрәм чаралары, парад һәм митингтан соң халык бик теләп солдат боткасы белән тамак ялгап алды, ә аннан соң бәйрәм концертын тамаша кылды.
