news_header_top_970_100
news_header_bot_970_100

Сарманда Әбүзәр Габдрахмановның иҗат күргәзмәсе ачылды

Рәссам күргәзмәгә килгән укучыларны, сәнгать мәктәбе укытучыларын үзенең хезмәт җимешләре, иҗат алымнары белән таныштырды.

(Сарман, 24 апрель, "Татар-информ", "Сарман"). Сарман районы Бөек Ватан сугышы һәм туган якны өйрәнү музеенда Азалак авылында туып-үскән, бүгенге көндә Яр Чаллы шәһәрендә яшәп иҗат итүче, Татарстан рәссамнар берлеге әгъзасы, эшләре Украина, Грузия, Үзбәкстан, Россия шәһәрләре күргәзмәләре коллекциясенә кертелгән Әбүзәр Габдрахмановның иҗат күргәзмәсе ачылды, дип яза җирле басма.

“Тугам ягым табигате” дип исемләнгән картиналар коллекциясендә - район, Азалак авылының табигате. Аларга күз ташлау белән якын, кадерле урыннарны бик тиз танып аласың. Күргәзмәне ачу тантанасына рәссамның рәсем буенча беренче укытучысы Антипов Марс Семенович та килгән иде. Ул укучысы белән бәйле якты истәлекләрен барлады. Музей директоры Дания Кәшипова, Азалак авыл җирлеге башлыгы Илгизәр Габделгазизов рәссам иҗатына югары бәяләрен бирделәр. Әбүзәр Габдрахманов күргәзмәгә килгән укучыларны, сәнгать мәктәбе укытучыларын үзенең хезмәт җимешләре, иҗат алымнары белән таныштырды. Әбүзәр Габдрахмановның картиналар күргәзмәсе район музеенда 20 майга кадәр дәвам итә. Керү - ирекле.

news_right_column_1_240_400
news_right_column_2_240_400
Медиаметрикс
news_bot_970_100