Авыл 14 июнь 2005 18:45

Сарман, Спас, Биектау районнарында мал азыгы әзерләү әкрен бара

Скопировать ссылку

(Казан, 14 июнь, "Татар-информ", Ирина Игнатьева). Бүгенге көндә республиканың Зәй, Кукмара, Яшел Үзән, Балтач, Әлмәт, Нурлат һәм Саба районнарында мал азыгы хәзерләү тизләтелгән темплар белән бара. Мисал өчен, Зәй районында кышка 12 мең тонна сенаж һәм 2000 тонна печән запаска салганнар, Кукмара районында - 3000 тонна сенаж һәм 1500 тонна печән. Әмма ТР Авыл хуҗалыгы һәм азык-төлек министрлыгы белгечләрен Сарман, Спас, Алабуга, Биектау һәм Азнакай районнарында күпьеллык үләнне чабу эшләре әкрен баруы борчуга сала, чөнки терлекләр өчен узган елгы авыр кыш кабатланырга мөмкин. Республиканың Әгерҗе районында сенаж һәм силос хәзерләргә бөтенләй керешмәгәннәр.

Гомумән алганда, быел кышка республика буенча 950 мең тонна печән, 3,5 миллион тонна сенаж, 2,5 миллион тонна силос һәм 250 мең тонна төрелгән сенаж хәзерләнергә тиеш. Хисап буенча бер баш терлеккә 28 центнер азык хәзерләргә кирәк.

Сәхифәләр

Сарман, Спас, Биектау районнарында мал азыгы әзерләү әкрен бара