Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сарман Сабан туенда районның алдынгы хезмәткәрләрен бүләкләделәр
Бүген Сарманда Сабан туе үтте. Бәйрәмгә Казан кунаклары да килгән иде. Шулай ук Сабан туенда районның «Иң төзек йорт» конкурсына йомгак ясалды. «Сарман» басмасы шул турыда хәбәр итә.
Табын муллыгы өчен тырыш хезмәт куйган алдынгы игенчеләрне, терлекчеләрне, халык хуҗалыгының башка тармакларында тырыш хезмәт куючыларны бүләкләү бәйрәмнең тагын бер матур өлеше булды, дип яза район басмасы.
Иң лаеклыларга Россия Федерациясе, Татарстан Республикасы, район күләмендәге бүләкләр бирелде. Алар арасында мактаулы исемнәргә лаек булучылар да бар иде. Ә быелгы кыр батыры исеменә «Сарман» агрофирмасы механизаторы Мансур Хафизов лаек булды.
Кунакларны Сарман җирендә район башлыгы Фәрит Хөснуллин каршы алды. Алар район оешмалары, җирлекләре әзерләгән бәйрәм йортларын карады, халык белән аралашты, диелә хәбәрдә.
Шулай ук район Сабан туенда «Иң төзек йорт» конкурсына да йомгак ясалды.
- I урынга – Сарман авылында яшәүче Марсель һәм Фәйрүзә Хаҗиевлар хуҗалыгы,
- II урынга – Юлтимер авылында яшәүче Сирин Әхмәтгәрәев,
- III урынга Боламык авылында яшәүче Мөхтәсим һәм Гөлнур Нурхаметовлар лаек дип табылды.
Кызыклы яңалыкларны күзәтеп бару өчен Телеграм-каналга язылыгыз