news_header_bot_970_100
Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Сарман районында урып-җыю эшләре көннән-көн киңрәк колач ала
Барлык агрофирмаларда да көзге шепкән суктырыла. Инде арпа, көзге бодайга да керделәр.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Сарман, 6 август, "Татар-информ","Сарман"). Сарман районында урып-җыю эшләре көннән-көн киңрәк колач ала. Басуларга беренчеләрдән булып Сарман агар көллияте комбайнчылары чыкса, бүген агрофирмаларда да эшләр тулы куәтенә җәелдерелгән, дип яза җирле басма.
Барлык агрофирмаларда да көзге шепкән суктырыла. Инде арпа, көзге бодайга да керделәр.
– Арпаны 2500 гектарда чәчкән идек, кичә суктыра башладык. Гектардан уртача 51,3 центнер уңыш чыга, - ди «Сарман» агрофирмасы директоры вазифаларын вакытлыча башкаручы Радик Сәхипов. – Иртәгә көзге бодайга керәбез.
«Җәлил» агрофирмасында арпа 3991 гектар мәйдан били. Биредә аның һәр гектарыннан уртача 45,7 центнер бөртек җыялар. 4139 гектардан – көзге, 2679 гектардан язгы бодай суктырып аласылары бар. «Көзге шепкәнне иртәгә суктырып бетерәбез», - ди баш агроном Рафис Кашапов.
«Нөркәй»дә исә көзге бодай суктыруга керештеләр. Аның һәр гектарыннан уртача 53,8 центнер уңыш чыга.
Уракта катнашучыларның эшенә җиде көн саен нәтиҗә ясау һәм бүләкләү турында район Башкарма комитеты җитәкчесенең карары да бар. Республикада исә 3 августтан "Иң яхшы комбайнчы" конкурсы игълан ителде. Уракта иң яхшы нәтиҗәләргә ирешкән 200 механизаторга 100әр мең сумлык премияләр биреләчәк, диелгән район хәбәрендә.
Кызыклы яңалыкларны күзәтеп бару өчен Телеграм-каналга язылыгыз
autoscroll_news_right_240_400_2