Җәмгыять 12 ноябрь 2018 05:00

Сарман районы Җәлил бистәсенең ике урамы газлы булды

Наратлы һәм Азатлык урамнарында яшәүчеләр бу вакыйганы тантаналы төстә билгеләп үтте.

Скопировать ссылку

(Казан, 12 ноябрь, "Татар-информ", "Сарман", Энҗимә Габдрәхимова). Җәлил бистәсенең Наратлы һәм Азатлык урамнарында яшәүче гаиләләр урамнарга газ җибәрелүне тантаналы төстә билгеләп үттеләр. Бу хакта "Сарман" газетасы хәбәр итә.

Урамда яшәүчеләрнең шатлыгын уртаклашырга район Башкарма комитеты җитәкчесе Әлфис Мөхәммәтгәрәев, Җәлил бистәсе башлыгы Рәфыйк Кәримов, республиканың газлаштыру фонды генераль директоры урынбасары Зөлфәт Гыймадиев, Ростехнадзорның Көньяк-Көнчыгыш бүлекчәсе башлыгы Александр Липатов, "Җәлилнефть" идарәсе начальнигының төзелеш буенча урынбасары Ринат Зарипов килгән иде.

Наратлы урамының 18 нче йортында яшәүче Гөлчәчәк һәм Илнур Закировлар йортына зәңгәр ягулык җибәрелде. Кунаклар эчкә үтеп, хуҗаларны котлады, яңа кергән газ өстендә пешкән коймактан авыз итте. Хуҗалар, үз чиратларында, газ үткәрүчеләргә рәхмәт белдерделәр.

#җәлил #газ #сарман

Сәхифәләр

Сарман районы Җәлил бистәсенең ике урамы газлы булды