Сарман районы башлыгы урак алдынгыларын бүләкләде
Икенче бишкөнлеккә нәтиҗә ясадылар.
(Сарман, 11 август, "Татар-информ", "Сарман", Зөлфия Шәрипова). Бүген район башлыгы Фәрит Хөснуллин район басуларында уракның икенче бишкөнлеге алдынгыларын бүләкләде. Бу турыда җирле басма хәбәр итә.
Урып-җыю эшләрен агротехник срокларда, югары сыйфат белән башкарып чыгу, уракта катнашучы комбайнчылар һәм механизаторларның эшен стимуллаштыру максатыннан, район Башкарма комитеты уракта катнашучы механизаторлар арасында ярыш үткәрү турында карар кабул иткән иде.
Икенче бишкөнлеккә нәтиҗә ясар вакыт килеп җитте. Урак алдынгыларына акчалата бүләкләрне тапшыруда район авыл хуҗалыгы һәм азык-төлек идарәсе начальнигы Альберт Шәрипов һәм идарәнең җитештерү-маркетинг бүлеге начальнигы Илнур Салихов та катнашты.