Сарман районы башлыгы призына үткәрелгән волейбол ярышларының җиңүчеләре ачыкланды
Уеннарда Дүсем командасы беренчелекне яулады.
(Сарман, 10 март, "Татар-информ", "Сарман", Альбина Сабирова). Сарман районы башлыгы Фәрит Хөснуллин призына Ләшәү Тамак мәктәбе спорт залында волейбол буенча ярышлар уздырылды. Бу турыда җирле басма хәбәр итә.
Барлыгы 6 команда катнашты. Ярышлар башланыр алдыннан спортчыларны район аппараты җитәкчесе Фәндәс Вәлиев, яшьләр эшләре, спорт һәм туризм бүлеге начальнигы Илгизәр Гаделшин, авыл җирлеге башлыгы Илфат Хәбибуллин сәламләделәр.
Нәтиҗәдә Дүсем командасы беренчелекне яулады. Икенче урынны - Карамалы, өченчене аграр коллият командасы алды.
Шулай ук район Башкарма комитеты, Җәлил бистәсе укучылары, мәгариф хезмәткәрләре командалары да катнаштылар. Җиңүчеләргә район Башкарма комитеты җитәкчесе Альфис Мөхәммәтгәрәев Кубок, дипломнар тапшырды.
Авыл җирлеге башкарма комитеты спортчыларны кайнар аш белән сыйлауны оештырган иде. Ярышлар югары дәрәҗәдә үтте.