Сарман район укучылары каникулларда акча эшли
Торак пунктларны төзекләндерү буенча эшче вазифасына урнаштырылган укучы балалар чәчәклекләрне, газоннарны тәрбиялиләр, су сибәләр.
Скопировать ссылку
(Сарман, 5 июль, "Татар-информ", "Сарман", Энҗимә Габдрәхимова). Сарман районының мәшгульлек һәм халыкны эш белән тәэмин итү үзәге аша бүгенге көндә йөздән артык бала җәйге каникуллар чорына эшкә урнаштырылган. Бу турыда район басмасы хәбәр итә.
111 бала Җәлил бистәсендә “Благоустройство” җәмгыятендә, берсе технологик транспорт идарәсендә эшли. Торак пунктларны төзекләндерү буенча эшче вазифасына урнаштырылган укучы балалар чәчәклекләрне, газоннарны тәрбиялиләр, су сибәләр, башка эшләрдә катнашалар.