Сарман районының Каташ-Каран авылында балаларны балчык белән эшләргә өйрәттеләр
Скопировать ссылку
Сарман районы Каташ-Каран авылы мәдәният йортында «Балчыклы хыяллар» дип исемләнгән мастер-класс узды. Бу хакта Бөтендөнья татар конгрессы матбугат хезмәте хәбәр итә.
Бу иҗади очрашу татар мәдәниятен популярлаштыруга һәм туган телне саклауга юнәлдерелгән «Ура, авылга!» проекты кысаларында оештырылды. Балчык белән эшләү катнашучыларга үз сәләтләрен ачарга гына түгел, ә халкыбызның борынгы һөнәрләре белән танышырга да мөмкинлек бирде. Әлеге проект «Алдынгылар хәрәкәте» һәм Татарстан Республикасы Рәисе каршындагы татар телен саклау һәм үстерү мәсьәләләре комиссиясе ярдәме белән тормышка ашырыла.