Сарман районы Сарысаз-Тәкермән авылында «Татар уеннары сандыгы» дигән чара узды
Скопировать ссылку
Сарман районы Сарысаз-Тәкермән авылы мәдәният йорты хезмәткәрләре балалар, аларның әниләре һәм әбиләре өчен «Татар уеннары сандыгы» дип исемләнгән чара үткәрде. Бу хакта «Сарман» газетасы яза.
Авыл балалары белән бергә әби-бабайларына кунакка кайткан шәһәр балалары, килгән кунаклар, татар халкының милли уеннарын уйнап, күңел ачты. Әбиләр балачакларын сагынып искә алды, ә балалар төрле уеннарда («Йөзек салыш», «Чума үрдәк, чума каз», «Түбәтәйле», «Буяу алыш», «Әби почмак» һ.б.) катнашты, җырлы-биюле бәйгеләрдә сәләтләрен күрсәтте.