Сарман егете ачык республика җыр бәйгесендә Татарстан данын яклаган
Анда барлыгы 100дән артык җырчы катнашкан.
(Сарман, 29 сентябрь, "Татар-информ", "Сарман", Альбина Сабирова). Шушы көннәрдә Башкортстанның Языково шәһәрендә композитор Рим Хәсәнов җырларын башкаручылар арасында “Чәчкәләр уяныр” исемле ачык республика җыр бәйгесе узды. Анда Татарстан данын Сарман, Саба һәм Әлмәт җырчылары яклыйлар, шуларның берсе – Сарманнан Дилүс Гомәрев.
Анда барлыгы 100дән артык җырчы катнашкан. Бәйгегә Россиянең атказанган артисты, профессор Идрис Газиев рәислегендәге мәртәбәле жюри бәя бирә.
Профессиональ артистлар белән беррәттән үзешчән җырчылар да катнаша. Нәтиҗәдә “Үзешчән соло башкаручылар” номинациясендә Сарманнан 1 нче дәрәҗә лауреат Дипломына лаек булган һәм истәлекле бүләкләр, Кубок белән бүләкләнгән.