Сәрия Сабурскаяга социаль авырулар белән көрәшкән өчен Рәхмәт хаты тапшырылды
Татарстан Республикасында Кеше хокуклары буенча вәкаләтле вәкил Сәрия Сабурская халыкның төп төркемнәре арасында социаль әһәмиятле авыруларны кисәтүгә керткән өлеше өчен Рәхмәт хатына лаек булды. Бүләкләү тантанасы республиканың Иҗтимагый палатасында узды, аңа бүләкне «Яңа гасыр» хәйрия фонды вәкиле тапшырды, дип яза «Татар-информ» хәбәрчесе Кирилл Гомәров.
Фонд вәкиле Сәрия Сабурскаяга иҗтимагый сәламәтлекне ныгыту өлкәсендә уңышлы хезмәттәшлек өчен дә рәхмәт белдерде.
Искәртеп үтик, кичә Сәрия Сабурская Татарстанда Кеше хокуклары буенча вәкаләтле вәкил вазифасына киредән сайланды. Татарстан Дәүләт Советының 11нче утырышында депутатлар аның кандидатурасы хуплады.