Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратовта яңа мәчеткә нигез ташы салыначак
Саратов өлкәсе ислам комплексында мөфти Мөкәддәс хәзрәт Бибарсов җитәкчелегендә җыелыш узды. Анда Идел буе Болгар дәүләте халыкларының Ислам динен кабул итүенең 1100 еллыгы уңаеннан Саратовның Идел районында яңа мәчет төзелеше турында сөйләштеләр.
Хәзер участокта әзерлек эшләре һәм акча җыю алып барыла. Бу турыда Россия Мөфтиләр шурасы сайтында хәбәр ителә.
Җыелыш барышында 2022 елның 1 октябрендә яңа шәһәр мәчете төзү өчен таш салу тантанасы булачагы турында карар кабул ителде.
Шунысын да билгеләп үтәргә кирәк, соңгы елларда мәчетләр җитмәү сәбәпле, Саратов мөселманнары шәһәрнең Җәмигъ мәчете янындагы территориядә һәм урамда намаз укырга мәҗбүр. Өстәвенә, бу теләсә нинди һава торышында шулай була. Дин тотучылар яңгыр, кар яуганда һәм салкында да шунда намаз укырга мәҗбүр.
Кызыклы яңалыкларны күзәтеп бару өчен Телеграм-каналга язылыгыз