Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Саратовта Россия мөселманнары тарихына багышланган конференция була
17 декабрьдә Саратов шәһәрендә «Россия мөселманнары – 1100 еллык тарих, хәзерге заман таләпләре, киләчәккә караш» дип аталган төбәкара конференция була. Бу хакта Россия Мөфтиләр шурасы хәбәр итә.
Конференцияне Ислам мәдәниятенә, фәненә һәм мәгарифенә ярдәм фонды белән берлектә Саратов өлкәсе мөселманнары Диния нәзарәте, Россия Диния нәзарәте һәм Саратов өлкәсе хакимияте оештыра.
Идел буе Болгар дәүләте халыклары тарафыннан рәсми рәвештә Ислам дине кабул ителүгә 1100 ел тулу уңаеннан Саратовта юбилей елын йомгаклау чараларының берсе булган форумда Мәскәү, Казан, Идел буе төбәкләреннән галимнәр, җәмәгать һәм дин әһелләре катнашачак.
Конференциядә «Идел буе Болгарында ислам: цивилизацион һәм мәдәни мирас», «Идел буен территориясендә Ислам тарихы», «Россия гражданлык киңлегенең аерылгысыз өлеше буларак мөселманнар – хокукларны гамәлгә ашыру, гражданлык җаваплылыгы» һәм «Россия мөселман җәмгыятен үстерү юнәлешләре» кебек темалар каралачак.
«Россия мөселманнары – 1100 еллык тарих, хәзерге заман таләпләре, киләчәккә караш» төбәкара конференциясе 17 декабрьдә «Россия - минем тарихым» тарихи паркында (Саратов шәһәре, Шелковичная урамы, 19 йорт) узачак. 10.00 сәгатьтә башлана.
Конференциядә катнашучыларга һәм кунакларга Энгельс төбәк музеена экскурсия планлаштырылган.
Кызыклы яңалыкларны күзәтеп бару өчен Телеграм-каналга язылыгыз