Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саратовта Рамазан ае уңаеннан меңгә якын кеше җәмәгать транспортында бушлай йөргән
Саратов шәһәрендә яшәүче мөселманнар шәһәр халкына җәмәгать транспортында бушлай йөрүне оештырган.
Хәйрия акциясе изге Рамазан ае башлану хөрмәтенә багышланган. Аны шәһәрнең татар җәмәгатьчелеге һәм «Якташлар» оешмасы вәкилләре үткәргән. Россия Мөфтиләр шурасы шул турыда хәбәр итә.
Автобусның йөртүчесе сүзләренә караганда, кешеләр гаҗәпләнгән һәм игелекле гамәл өчен рәхмәт белдергән. «Мондый акцияләрне ешрак үткәрергә кирәк. Әйе, хәзер Рамазан ае башланганын ишеттем. Боларның барысын да оештырулары бик яхшы. Афәрин, күңел булды», - дип бәяләгән бу гамәлне пассажирларның берсе.
Көн дәвамында меңгә якын пассажирга хезмәт күрсәтелгән. Оештыручылар фикеренчә, мондый чаралар Саратов кебек күпмилләтле шәһәрдә аеруча мөһим. Алар ярдәмендә шәһәрдә яшәүчеләр башкаларның мәдәнияте турында күбрәк белә ала, үзара игътибар һәм хөрмәт күрсәтә.
Кызыклы яңалыкларны күзәтеп бару өчен Телеграм-каналга язылыгыз