Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Саратовта Бөек Ватан сугышының мөселман геройлары турында күргәзмә узачак
30 апрельдә Саратовта Бөек Җиңүнең 80 еллыгы һәм Ватанны саклаучылар елына багышланган «Хәтер яктысы: Россиянең мөселман халыкларында Бөек Ватан сугышы героикасы» өлкә күргәзмәсе ачылачак. Күргәзмәне «Юмарт» хәйрия фонды ярдәмендә Саратов өлкәсе мөселманнары Диния нәзарәте оештыра. Бу хакта Россия мөселманнары Диния нәзарәтенең Мөфтиләр шурасы хәбәр итә.
Экспозиция Саратов өлкә фәнни китапханәсендә корылачак. Күргәзмәне ачу тантанасы 14:00 сәгатьтә башлана. Очрашуда катнашучылар башка халыклар вәкилләре белән иңгә-иң куеп Туган ил өчен көрәшкән мөселманнарның батырлыгын искә алачак.
Алар Бөек Ватан сугышы елларында фронтта һәм тылда батырлык һәм каһарманлык күрсәткән. Төрле милләтләрдән булган йөзләгән мөселман Советлар Союзы Герое исеменә лаек булган, алар арасында якташларыбыз да, язмышлары Саратов белән бәйле геройлар да аз түгел, диелә хәбәрдә.
«Хәтер яктысы» күргәзмәсе – әлеге батырларга хөрмәт һәм рәхмәт белдерү, аларның уникаль тарихлары һәм батырлыклары турында белү мөмкинлеге», - дип билгеләп үтә оештыручылар.
Күргәзмә бер атна дәвамында эшләячәк. Саратов халкы һәм кунаклары тәкъдим ителгән коллекцияне килеп күрә алачак.
Кызыклы яңалыкларны күзәтеп бару өчен Телеграм-каналга язылыгыз