Дин 15 апрель 2018 16:15

Саратовның Ислам комплексында шахмат буенча турнирда 32 бала катнашкан

Турнирны якшәмбе мәктәбе оештырган.

Скопировать ссылку

(Казан, 15 апрель, “Татар-информ”). Саратовның Ислам комплексында шахмат буенча беренче турнирда 32 малай һәм кыз катнашкан. Бу хакта Россия мөселманнарының Диния нәзарәте хәбәр итә.

Чара танылган галим һәм математик Мәхәммәд ибн Мусе аль-Хорезмга багышлап үткәрелгән. Турнирны “Мәктәп” якшәмбе мәктәбе оештырган.

Ярышта 6дан 14 яшькә кадәрге 32 малай һәм кыз катнашкан.

Шахмат турниры “Зейд бин Сабит” Коръән үзәгендә узган. “Этюд” шахматны үстерү үзәге җитәкчесе Владимир Караваев хөкемдар ролен башкарган.

Интеллектуаль ярыш швейцар системасы белән барган. Өч сәгать дәвамында һәр катнашучы бишәр партия уйнаган. Компьютер программасы нәтиҗәләрне билгеләп барган.

Җиңүчеләр һәм призерлар грамота һәм медальләр белән бүләкләнгән. Моннан тыш, һәр катнашучының шәхси рейтингы Россия шахмат федерациясе (РШФ) онлайн-базасына кертелгән.

#Саратов #шахмат

Сәхифәләр

Саратовның Ислам комплексында шахмат буенча турнирда 32 бала катнашкан