Фән һәм мәгариф 12 февраль 2024 17:35

Саратов шәһәрендә Идел буе халыклары тормышына багышланган фәнни-гамәли конференция булды

Скопировать ссылку

Саратов шәһәрендә Идел буе идарә институтында мәктәп укучыларының «Идел буе халыклары: тарих, мәгариф, мәдәният» VIII төбәкара фәнни-гамәли конференциясен ачу һәм пленар утырышы булды. Бу хакта Бөтендөнья татар конгрессы матбугат хезмәте хәбәр итә.

Бөтендөнья татар конгрессы Башкарма комитеты җитәкчесе урынбасары, милли мәгариф, мәдәният һәм спорт комитеты җитәкчесе Разил Зиннәтуллин конференциядә катнашучыларга һәм кунакларга сәламләү сүзе белән мөрәҗәгать итте. Шулай ук ул Бөтендөнья татар конгрессының Рәхмәт хатларын тапшырды.

2024 елда конференциягә Татарстан, Чувашия, Мордовия республикалары, Пермь крае, Киров өлкәсе, Әстерхан, Самара, Димитровград, Ульяновск, Пенза һәм Саратов өлкәләре, Саратов шәһәреннән 160тан артык эш җибәргәннәр.

Фәнни-гамәли конференция «Фәнгә беренче адымнар», «Идел буе тарихы», «Культурология», «Фольклор һәм этнография», «Әдәбият һәм тел белеме», «Дискуссион мәйданчык», «Татар теле һәм әдәбияты», «Хәрби-патриотик», «Авыл тормыш рәвеше», «Идел буеның нефть һәм газ сәнәгате», «Айти-технологияләр» секцияләрендә дәвам итте. Барлык катнашучылар конференциянең югары дәрәҗәдә оештырылуын һәм үткәрелүен бәяләде.

Сәхифәләр

Саратов шәһәрендә Идел буе халыклары тормышына багышланган фәнни-гамәли конференция булды