Татар дөньясы 14 гыйнвар 2022 07:43

Саранскида Ислам динен кабул итүгә 1100 ел тулуны бәйрәм итү хакында сөйләштеләр

Данис Шакиров тарихи датаны билгеләп үтү буенча Конгресс тарафыннан оештырылачак чаралар белән таныштырды.

Скопировать ссылку

(Казан, 14 гыйнвар, «Татар-информ»). Мордовия башкаласында Идел буе Болгар дәүләтендә ислам динен кабул итүгә 1100 ел тулуга багышланган фәнни-гамәли конференция узды. Фәнни җыелыш Татар эшкуарлары клубы тарафыннан үткәрелде.

Бөтендөнья татар конгрессы Башкарма комитеты җитәкчесе Данис Шакиров тарихи датаны билгеләп үтү буенча Конгресс тарафыннан оештырылачак чаралар белән таныштырды, дип хәбәр итә Бөтендөнья татар конгрессы.

Моннан тыш, Татарстан делегациясе составында булган Апанай мәчете имам-хатыйбы Нияз хәзрәт Сабиров, тарих фәннәре кандидаты Абдулла хәзрәт Шәнгәрәев, Бөтендөнья татар конгрессының Аксакаллар шурасы рәисе Рәүф Хәсәнов докладлар белән чыгыш ясадылар.

Конференциядә Мордовия Республикасы Хөкүмәте әгъзалары да катнашты.

Сәхифәләр

Саранскида Ислам динен кабул итүгә 1100 ел тулуны бәйрәм итү хакында сөйләштеләр