news_header_top_970_100
news_header_bot_970_100

Санкцияләр чит ил компанияләрен югары тизлекле магистраль проектында катнашудан куркытмады - Владимир Якунин

Бер генә компания дә баш тартмады, дип ассызыклады "Россия тимер юллары" ААҖ президенты

(Мәскәү, 10 октябрь, «Татар-информ», Аяз Исмәгыйлев). Көнбатышның Россиягә карата санкцияләре Мәскәү - Казан югары тизлекле магистрале проектын тормышка ашыруда катнашуга теләген киметмәгән. Бу хакта "Россия тимер юллары" компаниясе башлыгы Владимир Якунин төбәк журналистларының II съездында сорауларга җавап биргәндә әйтте. "Россия тимер юллары" ААҖ оештырган съезд бүген Мәскәүдә уза.

"Минем беренче урынбасарым Александр Мишарин җитәкчелегендәге "Тизлекле магистральләр" компаниясе үткәрә торган чаралардан баш тарткан бер генә чит ил компаниясе дә юк. Барысы да катнашырга тели. Алай гына да түгел, бу проект белән Азия, гарәп Көнчыгышы төбәкләреннән дә инвесторлар кызыксына", - диде аерым алганда, "Россия тимер юллары" ААҖ президенты "Татар-информ" агентлыгы хәбәрчесе соравына җавабында.    

news_right_column_1_240_400
news_right_column_2_240_400
news_bot_970_100