Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Санкт-Петербург, Тосно һәм Гатчинада «Бәрмәнчек» керәшен ансамбле концертлары узачак
Татарстанның «Бәрмәнчек» керәшен дәүләт фольклор ансамбле 28 февральдә Тосно мәдәният сараенда, 29 февральдә исә Гатчина шәһәр мәдәният йортында һәм 1 март көнне Санкт-Петербург тимер юлчылар мәдәният йортында «Россия тимер юллары» ачык акционерлык җәмгыятендә чаралар үткәрергә әзерләнә. Бу хакта Татарстанның Ленинград өлкәсе һәм Санкт-Петербург шәһәрендәге Даими вәкиллегенең матбугат хезмәте хәбәр итә.
«Бәрмәнчек» керәшен дәүләт фольклор ансамбле тамашачылар өчен «Туганнарның сагынган чагы» дип аталган концерт программасы әзерләгән. Программа нигезендә традицияләр, көнкүреш, милли чигү, тормыш идеясе һәм фәлсәфәсе тәкъдим ителә. Халык җырлары, биюләре һәм инструменталь музыка аша безнең ата-бабаларыбызның ничек яшәгәнен, нәрсә белән шөгыльләнгәнен күрергә мөмкин.
Программада Татарстан Республикасы һәм Россия Федерациясе территориясендә яшәүче керәшеннәрнең төбәк төркемнәре концерт номерлары тәкъдим ителә. Керәшен фольклоры белән беррәттән, татар халык җырлары һәм биюләре дә яңгыраячак. Ансамбль тамашачыны рус, казак халык җырлары һәм биюләре белән дә сөендерәчәк, ә ногайбәк казакларының «Париж, Париж...» биюе беркемне дә битараф калдырмаячак, диелә хәбәрдә.
«Бәрмәнчек» керәшен дәүләт фольклор ансамбле концерт программасы тамашачыга традицияләр тирәнлегенә, аның җырларына, көнкүрешенә һәм мәдәниятенә чумарга, шуның белән Россиянең күпкырлы һәм бай тарихына кагылырга мөмкинлек бирә.
Кызыклы яңалыкларны күзәтеп бару өчен Телеграм-каналга язылыгыз