Санкт-Петербургта татар теле укытучысы Альбина Ишмурзинаның концерты була
Альбина Ишмурзина – җырчы, композитор, шагыйрә, шулай ук Санкт-Петербургта Мәдәният-белем бирү үзәгендә татар теле укыта.
(Казан, 12 апрель, «Татар-информ»). 16 апрельдә Санкт-Петербургта Альбина Ишмурзинаның «Утлар яна йөрәктә» дигән концерты була, дип хәбәр итә Татарстанның Санкт-Петербург шәһәре һәм Ленинград өлкәсендәге Даими вәкиллеге матбугат хезмәте.
Альбина Ишмурзина – җырчы, композитор һәм шагыйрә. Ул шулай ук Татарстанның Санкт-Петербург шәһәре һәм Ленинград өлкәсендәге Даими вәкиллеге каршындагы Каюм Насыйри институтының Мәдәният-белем бирү үзәгендә татар теле укыта.
Концертта автор һәм халык җырлары, татар һәм рус телендәге шигырьләр яңгыраячак, Санкт-Петербургның вокаль һәм бию коллективлары чыгыш ясаячак, бүләкләр уйнатылачак.
Кичәне автор-башкаручы Руфинә Насыева алып барачак.