Санкт-Петербургта татар мәдәнияте кичәсе узды
.jpeg)
Санкт-Петербург шәһәрендә Татарстанның бай мирасына багышланган кичә узды. Бу хакта Татарстанның Санкт-Петербургтагы һәм Ленинград өлкәсендәге даими вәкиллеге хәбәр итә.
Чараны Татарстан Республикасының Санкт-Петербургтагы һәм Ленинград өлкәсендәге даими вәкиллегенең әйдәп баручы белгече Таһир Вәлиуллин ачты, ул кунакларга сәламләү сүзе белән мөрәҗәгать итте. Кичә башында партнерларга һәм оештыручыларга рәхмәт хатлары тапшырдылар.
Кичәнең мәдәни программасы татар мәдәнияте дөньясына чын сәяхәт булды. Кунакларга традицион татар костюмнары һәм бизәнү әйберләре тәкъдим ителде.
Әлеге чара шәһәрнең мәдәни тормышында мөһим вакыйга булды һәм тагын бер кат татар мәдәниятенең күптөрлелеген һәм матурлыгын күрсәтте, диелә хәбәрдә.