Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Санкт-Петербургта Татар мәдәнияте һәм көнкүреше музеен үстерү хакында фикер алыштылар
Ленинград өлкәсенең «Файда» Төбәк иҗтимагый татар мәдәнияте оешмасы рәисе Айрат Маннанов тематик кичәләр, «Файда» җәмгыятенең эстрада-фольклор, музыкаль-бию ансамбле репетицияләре һәм татар теле курсларын үткәрү программасын тәкъдим итте.
(Казан, 5 сентябрь, «Татар-информ»). Татарстан Республикасының Санкт-Петербург шәһәре һәм Ленинград өлкәсендәге Даими вәкиле Ренат Вәлиуллин Ленинград өлкәсенең «Файда» Төбәк иҗтимагый татар мәдәнияте оешмасы рәисе Айрат Маннанов белән очрашты. Бу хакта Татарстанның Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.
Очрашуда Санкт-Петербургта «Татарча диктант – 2021» акциясен үткәрү, VI «Энколово дусларын җыя» Ленинград өлкәсендә яшәүче халыклар милләтара фестивалендә катнашу һәм Санкт-Петербургта Татарстан Республикасы көннәренә багышланган чаралар уздыру программасы хакында фикер алыштылар.
Ленинград өлкәсендәге Дуслык йортында урнашкан Татар мәдәнияте һәм көнкүреше музеен үстерү концепциясе хакында аерым сөйләштеләр. Айрат Маннанов тематик кичәләр, «Файда» җәмгыятенең эстрада-фольклор, музыкаль-бию ансамбле репетицияләре һәм татар теле курсларын үткәрү программасын тәкъдим итте.
Очрашу ахырында төбәктә татар мәдәниятен үстерү һәм популярлаштыруга юнәлдерелгән уртак чаралар уздыру хакында килештеләр.
Кызыклы яңалыкларны күзәтеп бару өчен Телеграм-каналга язылыгыз