Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Санкт-Петербургта Шамил Әхмәтшинның «Чыңгызхан» китабын тәкъдим иттеләр
Әлеге кичә Татарстан Республикасының Санкт-Петербург һәм Ленинград өлкәсендәге Даими вәкиллеге оештырган «Татар кунакханәсе» мәдәни-агарту проекты кысаларында үткәрелде.
(Казан, 10 февраль, «Татар-информ»). Санкт-Петербургта Милли әдәбиятлар китапханәсендә Шамил Әхмәтшинның «Татарлар Ватанга хезмәттә» сериясеннән чираттагы «Чыңгызхан» китабын тәкъдим итү булды. Бу хакта Татарстан Республикасының Санкт-Петербург һәм Ленинград өлкәсендәге Даими вәкиллеге хәбәр итә.
Әлеге кичә Татарстан Республикасының Санкт-Петербург һәм Ленинград өлкәсендәге Даими вәкиллеге оештырган «Татар кунакханәсе» мәдәни-агарту проекты кысаларында үткәрелде.
Презентацияне китапның авторы — ТР Фәннәр академиясе Ш. Мәрҗани исемендәге Тарих институтының Л.Гумилев исемендәге Төньяк-Көнбатыш фәнни үзәге җитәкчесе Шамил Әхмәтшин үзе үткәрде.
Татар җәмәгатьчелеге һәм чарага килгән күп санлы әдәбият сөючеләр тарихның иң якты шәхесләренең берсе, гениаль хәрби башлык һәм дәүләт эшлеклесе Чыңгызхан (1162-1227 еллар) турында күп кенә кызыклы мәгълүмат алды.
Автор «Чыңгызхан»ның яңа басмасын китапханәгә бүләк итте һәм алга таба да хезмәттәшлеккә өмет белдерде.
«Әдәбият сөючеләр авторга күпьеллык хезмәтләре өчен рәхмәт әйтте һәм киләчәктә дә иҗади уңышлар теләде», диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз