Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Санкт Петербургта мәктәпкә — Муса Җәлил, скверга Гатаулла Баязитов исеме бирелде
![Санкт Петербургта мәктәпкә — Муса Җәлил, скверга Гатаулла Баязитов исеме бирелде](https://tatar-inform.tatar/resize/shd/images/uploads/news/2023/10/17/817f96a61a804430d27e249f0a4e4564.jpg)
Санкт-Петербургның Калинин районындагы 146 мәктәбе Муса Җәлил исемен йөртәчәк. Санкт-Петербургның топономик комиссиясе шул хакта карар кабул иткән. Бу хакта «Татар-информ»га Татарстан Республикасының Санкт-Петербург һәм Ленинград өлкәсендәге даими вәкиле Ренат Вәлиуллин хәбәр итте.
«Безнең гомуми тырышлык белән шәһәрдә мәшһүр татарларның исемнәрен йөрткән тагын ике локация барлыкка килә. Җәмигъ мәчете янындагы сквер «Гатаулла (Атаулла) Баязитов исемендәге сквер» дип атала, ә 146 мәктәп Муса Җәлил исемен йөртәчәк. Санкт-Петербург Топонимик комиссиясендә бу карарлар кабул ителде», – диде Ренат Вәлиуллин.
Санкт-Петербург администрациясендә бу карар расланган.
Комиссия № 146 мәктәпкә татар шагыйре, Советлар Союзы герое Муса Җәлил исемен бирүне хуплаган. Бу мәктәптә Татарстан Республикасының Санкт-Петербург һәм Ленинград өлкәсендәге даими вәкиллеге тырышлыгы белән Муса Җәлил музее ачылды, герой-шагыйрь истәлегенә чаралар уза.
- Гатаулла (Атаулла) Баязит улы Баязитов (1846-1911) – җәмәгать эшлеклесе, Санкт-Петербург имамы, Җәмигъ мәчете төзелешенең инициаторы, беренче легаль татар гәзите «Нур»ның оештыручысы һәм 1905-1911 еллардагы баш мөхәррире.
Кызыклы яңалыкларны күзәтеп бару өчен Телеграм-каналга язылыгыз