news_header_top_970_100
news_header_bot_970_100

Санкт-Петербургта «Казанның 1000 еллыгы истәлегенә» медальләре тапшырылды

Санкт-Петербургта «Казанның 1000 еллыгы истәлегенә» медальләре тапшырылды

(Санкт-Петербург, 3 ноябрь, «Татар-информ», Зәрия Хәсәнова). Санкт-Петербургта «Казанның 1000 еллыгы истәлегенә» медальләрен тапшыру тантанасы үтте. Бу олы бүләк белән 60 сәясәт һәм җәмәгать эшлеклесе бүләкләнде. Алар арасында Петроград, Василеостров, Выборг, Калинин, Кронштадт һәм Адмиралтейство районнары башлыклары һәм төрле комитетлар рәисләре бар.

РФ Президенты Владимир Путин исеменнән һәм Санкт-Петербург губернаторы Валентина Матвиенко йөкләмәсе белән дәүләт бүләкләрен Санкт-Петербургның вице-губернаторы, губернатор администрациясе җитәкчесе Виктор Лобко тапшырды. Бүләкләү вакытында В.Лобко бүләкләнүчеләр арасында «Санкт-Петербургың 300 еллыгы» исемле истәлекле медале тапшырылмаган кешеләр барлыгын абайлап алып, тиз арада аларга

тиешле документларны әзерләргә кушты.

Татарстанның Санкт-Петербургта һәм Ленинград өлкәсендәге даими вәкиле Шамил Әхмәтшин Санкт-Петербург губернаторы Валентина Матвиенконы Казан юбиленен үткәрүдә күрсәткән ярдәме өчен зур рәхмәт белдерде һәм Татарстан Президенты һәм Казан шәһәре хакимияте исеменнән аңа Казан рәсеме төшерелгән картина тапшырды.

news_right_column_1_240_400
news_right_column_2_240_400
Медиаметрикс
news_bot_970_100