Җәмгыять 22 декабрь 2018 12:25

Санкт-Петербургта “Галимҗан Баруди укулары” йомгаклары буенча фәнни җыентык чыгачак

Төньяк башкалада 20-21 декабрьдә узган конференция нәтиҗәләрен “Мәдинә” нәшрият йорты китап итеп чыгарачак.

Скопировать ссылку

(Казан, 22 декабрь, "Татар-информ"). 20-21 декабрьдә Санкт-Петербургта булган “Галимҗан Баруди укулары” XI фәнни-гамәли конференциясе йомгаклары буенча “Мәдинә” нәшрият йорты фәнни эшләр җыентыгын чыгарачак. Бу хакта Санкт-Петербург һәм Ленинград өлкәсе мөселманнары Диния нәзарәте матбугат хезмәте хәбәр итә.

Конференция нәтиҗәләре буенча “Мәдинә” нәшрият йорты фәнни эшләр җыентыгын чыгарачак. Иң яхшы мәкаләләр авторларына “Ислам в современном мире” фәнни журналында бастыру мөмкинлеге бирелә, диелгән әлеге хәбәрдә.

Конференцияне Россия мөселманнары Диния нәзарәте, Россия Мөфтиләр шурасы, Санкт-Петербург һәм Ленинград өлкәсе мөселманнары Диния нәзарәте, Халыкара мөселман форумы, Мәскәү ислам институты, Санкт-Петербург дәүләт университеты оештырган.

#Санкт-Петербург татарлары #Петербург татарлары

Сәхифәләр

Санкт-Петербургта “Галимҗан Баруди укулары” йомгаклары буенча фәнни җыентык чыгачак