Дин 30 июль 2020 16:52

Санкт-Петербург Җәмигъ мәчетеннән Коръән уку һәм бәйрәм вәгазен онлайн карарга мөмкин

Вазгыяткә бәйле рәвештә, 65 яшьтән өлкәнрәк гражданнарга, балигъ булмаганнарга һәм авыруларга мәчетләргә йөрүдән тыелып торырга киңәш ителә.

Скопировать ссылку

(Казан, 30 июль, «Татар-информ»). 31 июльдә Санкт-Петербург Җәмигъ мәчете территориясендә, аның янәшәсендәге территориядә, шулай ук гыйбадәт бүлмәләрендә бәйрәм намазларын үкырга мөмкин булачак. Әмма анда барлык теләүчеләрне дә сыйдыра алмыйлар. Санкт-Петербург һәм Төньяк-Көнбатыш мөселманнары Диния нәзарәте рәсми сайтында шул турыдагы карар басылып чыккан. Бу хакта «Интерфакс» хәбәр итә.

Вазгыятькә бәйле рәвештә, 65 яшьтән өлкәнрәк гражданнарга, балигъ булмаганнарга һәм авыруларга мәчетләргә йөрүдән тыелып торырга киңәш ителә. Дин тотучыларга уңайлы булсын өчен, Коръән уку һәм бәйрәм вәгазе турыдан-туры трансляцияләнәчәк.

Корбан чалуны 5.30 сәгатьтән башларга була, тик Санкт-Петербургта, шәһәр эчендә, корбан чалу катгый тыела, диелгән Диния нәзарәте хәбәрендә.

#Корбан гаете #Санкт-Петербург #Санкт-Петербург татарлары

Сәхифәләр

Санкт-Петербург Җәмигъ мәчетеннән Коръән уку һәм бәйрәм вәгазен онлайн карарга мөмкин