news_header_bot
Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
news_top
Санкт-Петербург эшкуарлары Казанга китте
Төньяк башкалада узган ел азагында эшлекле "ЛенПетроТат" клубы оештырылган иде
Скопировать ссылку
(Санкт-Петербург, 15 февраль, “Татар-информ”, Зәрия Хәсәнова). Төньяк башкалада узган ел азагында эшлекле "ЛенПетроТат" клубы оештырылган иде. Клуб Татарстан Республикасы белән хезмәттәшлек итүче сиксәннән артык әгъза - Санкт-Петербург һәм Ленинград өлкәсе эшкуарларын берләштерә. Әлеге иҗтимагый оешманың максаты төрле яклап Татарстан Республикасы белән ике яклы сәүдә - икътисади хезмәттәшлеккә ярдәм итү һәм төньяк - көнбатыш төбәктә клуб әгъзалары эшкуарлыгын үстерү. Клуб президенты итеп ААҖ "Татнефть"нең "Татнефть - АЗС -Көнбатыш" генераль директоры Рәис Яркәев, вице-президенты итеп Татарстан Республикасының Санкт-Петербург һәм Ленинград өлкәсендәге даими вәкиле Шамил Әхмәтшин сайланды. Менә шушы Санкт-Петербург белән Татарстан Республикасы арасында төзелгән сәүдә-икътисади, фәнни-техник, социаль һәм мәдәни хезмәттәшлек турындагы килешүгә яраклы рәвештә бүген Петербург эшкуарлары Казанга килә. Татарстан Республикасының сәүдә - икътисади палатасында эшлекле очрашу үтәчәк. "Түгәрәк өстәл" артында ике арадагы хезмәттәшлек мәсьәләләре каралачак. Санкт-Петербург эшкуарлары делегациясенең берничә предприятиедә булуы, "электрон товар-мәгълүмат системасы"ның исем туенда катнашуы күз уңында тотыла. Планда республиканың эре предприятиеләре җитәкчеләре белән очрашу да каралган, анда ике арадагы киләчәктәге хезмәттәшлекне үстерү буенча фикер алышыначак.
Кызыклы яңалыкларны күзәтеп бару өчен Телеграм-каналга язылыгыз
news_right_1
news_right_2
news_bot