Шамил Садыйков «Тәртип» радиосы баш мөхәррире Ризәлә Исмәгыйлеваны юбилее белән котлады
Кичә Казанның «Чулпан» мәдәният үзәгендә «Тәртип» радиосы баш мөхәррире Ризәлә Исмәгыйлеваның юбилее уңаеннан «Көз дә матур, без дә матур әле» дигән иҗат кичәсе үтте. Бенефиста «Татмедиа» акционерлык җәмгыяте генераль директоры Шамил Садыйков Ризәлә Исмәгыйлевага котлау сүзләрен җиткерде.
«Безнең «Татмедиа»да бик күп газеталар, журналлар нәшер ителә, радиолар һәм телевидениеләр эшли. Менә безнең хөрмәтле Рәисебезнең булышуы нигезендә 4 ел элек безгә «Тәртип» урнаштырылды. «Татмедиа»да «Тәртип» барлыкка килде. Һәм шуннан соң без Ризәлә Исмәгыйлевалы һәм «Тәртип»ле «Татмедиа». Бөтен коллектив, журналистлар исеменнән сәламәтлек, иман ныклыгы, мәхәббәт һәм эшегездә уңышлар телисебез килә», – диде Шамил Садыйков.
Кичә барышында Ризәлә Исмәгыйлеваны Бөтендөнья татар конгрессының Башкарма комитет җитәкчесе, ТР Дәүләт Советы депутаты Данис Шакиров, туган ягы Яшел Үзән районы хакимияте һәм туганнарыннан торган «Авылым җәүһәрләре» ансамбле һәм башкалар тәбрик итте.
