Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның Яңа Ярмәк авылы клубында «Әниләргә чәчәк бәйләме» бәйрәме булды
23 ноябрьдә Самара өлкәсенең Яңа Ярмәк авылы клубында, Әниләр көне уңаеннан, «Әниләргә чәчәк бәйләме» дип исемләнгән бәйрәм концерты узды. Бу турыда «Самара татарлары» сайтында хәбәр ителә.
«Салкын кышларга кереп барганда, без иң җылы һәм якты бәйрәмнәрнең берсен — Әниләр көнен билгеләп үтәбез. Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман. Тормышыбыз бизәге булган әниләребез матур да, батыр да, мәрхәмәтле дә», ди оештыручылар.
«Чара әниләр турында матур җырлар, шигырьләр, дәртле биюләр белән үрелеп барды. Ярмәк авылы җирлеге башлыгы Минсәгыйть Низамутдинович барлык әниләрне дә бәйрәм белән котлады, аларга бәхетле тормыш, күңел тынычлыгы теләде. Кичә барышында махсус хәрби операциядә хезмәт итүче авылдаш егетләребезнең әниләрен котлап, бүләкләр тапшырылды», дип яза Яңа Ярмәк авылының клуб мөдире Алия Хәмидуллина, китапханәче Асия Зәләева.
Кызыклы яңалыкларны күзәтеп бару өчен Телеграм-каналга язылыгыз