Самара шәһәрендә биючеләр арасында «Традиция» XII шәһәр ачык конкурсы булды. «Яктылык» мәктәбенең «Йолдыз» халык бию театры конкурста «Бәйрәм бүген», «Ярмәк вагы», «Зәке-зәке» номерлары белән уңышлы чыгыш ясады.
«Традиция» халык биюләре конкурсы Самара администрациясе ярдәме белән балаларның һәм яшүсмерләрнең «Самарская горница» милләтара аралашу программасын гамәлгә ашыру кысаларында оештырылды. Бу хакта «Самара татарлары» сайтында хәбәр ителә.
Әлеге проект халык биюенең күпмилләтле мәдәни традицияләрен саклау һәм үстерү, талантлы башкаручыларга һәм педагогларга ярдәм итү, башкару культурасын, хореография коллективларының һөнәри осталыгын үстерүгә ярдәм итү максатыннан оештырыла.