Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның «Туган тел» татар җәмгыяте «Асыл» татар балалар лидеры мәктәбенә чакыра
Самараның «Туган тел» татар җәмгыяте «Асыл» татар балалар лидеры мәктәбенә чакыра. 28 октябрьдән 3 ноябрьгә кадәр «Идел» яшьләр үзәге «Асыл» татар балалар лидеры мәктәбен үткәрә. Бу хакта Бөтендөнья татар конгрессы матбугат хезмәте хәбәр итә.
Чараның максаты - татар балаларына, татар яшьләр оешмалары (берләшмәләре) активистларына ярдәм күрсәтү.
«Илебезнең төрле почмакларында һәм чит илләрдә яшәүче 13-17 яшьлек актив балаларны чакырабыз. Әгәр сез үз төбәгегезнең иҗтимагый һәм мәдәни тормышында катнашасыз икән, бу чара нәкъ менә сезнең өчен!» - диелгән хәбәрдә.
Смена вакытында сезне мавыктыргыч лекцияләр, мастер-класслар, практик дәресләр, кызыклы кешеләр белән очрашулар, түгәрәк өстәлләр һәм тренинглар көтә. Бу чаралар сезгә лидерлык сыйфатларын, милли үзаңны һәм халык традицияләрен тирәнтен аңлауны үстерергә ярдәм итәчәк, диелә.
Кызыклы яңалыкларны күзәтеп бару өчен Телеграм-каналга язылыгыз