Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның Татар автономиясе эшчәнлегенә нәтиҗәләр ясалды
Самараның Бердәмлек» газетасынңа Әминә Мәрданованың «Татар автономиясе эшчәнлегенә нәтиҗәләр ясалды» дигән язмасы чыкты.
13 майда «Зори Жигулей» ял базасында оештырылган җыелышка мөхтәрәм кунаклар буларак өлкә татар милли-мәдәни автономиясе рәисе Әнвәр Горланов, «Туган тел» оешмасы президенты Ильяс Шәкүров, «Дуслык» региональ иҗади-иҗтимагый оешмасы президенты урынбасары Марат Канюкаев, Региональ диния нәзарәте рәисе, мөфти Талип хәзрәт Яруллин, «Яктылык» татар мәктәбе директоры Радик Газизов, «Болгар мирасы» мәдәни-тарихи фондының попечительләр советы рәисе Гомәр Батршин, Россия Эчке эшләр министрлыгының Самара өлкәсе баш идарәсе каршында эшләп килүче иҗтимагый совет вәкиле Рифгать Хуҗин, «Болгар мирасы» мәчете имамы Расих хәзрәт Вакказов чакырылган иде.
Быел җыелыш 9 Май – Бөек Җиңү көненә багышланды. Очрашуның рәсми өлеше Коръән сүрәсен укудан башланды. Аннан соң сүз Самара шәһәре татар милли-мәдәни мохтарияте рәисе Ленар Сабировка бирелде. Ул, кунакларны сәламләп, оешманың эшчәнлеге белән таныштырды һәм ел дәвамында башкарылган эшләргә нәтиҗә ясады.
Ленар әфәнде туган телне, мәдәниятне һәм милли гореф-гадәтләрне саклау һәр халык өчен иң мөһим максатлар булуын билгеләп үтте. «Милләтара мөнәсәбәтләр милли мохитны формалаштыруга зур йогынты ясый. Шуңа да мондый төр чаралар уздыру — иҗтимагый оешмаларның уртак эше. Узган елда өлкәбездә үткән барлык чараларда да катнаштык, көчебездән килгәнчә ярдәм итәргә тырыштык. Мәчетләр эшчәнлегенә, милли бәйрәмнәребезне оештыруга аеруча зур игътибар бирергә кирәк. Киләчәктә туган телебезне, милли гореф-гадәтләребезне һәм йолаларыбызны саклап калуга һәм үстерүгә кертеләчәк өлешебезне бермә-бер арттырырга ниятлибез», — дип ассызыклады мохтарият җитәкчесе һәм иҗтимагый эшләрдә актив катнашкан автономия әгъзаларына Рәхмәт хатлары, кыйммәтле бүләкләр тапшырды. Алар арасында Илшат Зәләлетдинов һәм Ринат Кыямов та бар иде.
Җәмәгать белән өйлә намазы укыганнан соң, кичә мул итеп әзерләнгән табын артында дәвам итте. Кунаклар оешма башкарган һәм планлаштырылган эшләр турында фикерләрен әйтеп, активистларга матур теләк-котлаулар җиткерделәр.
Кызыклы яңалыкларны күзәтеп бару өчен Телеграм-каналга язылыгыз