Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның Карабикол авылында яңа ферма хуҗасы: Нинди яңалык бар, барысы да монда җыелды
Самараның «Бердәмлек» газетасында «Яңа ферма яңа эш урыннары тәкъдим итә» дигән язма чыкты.
«Карабикол» җәмгыяте комплексында 632 мөгезле эре терлек сыешлы яңа сөтчелек фермасы ачылды. Бу 1264 сөт сыерына исәпләнгән масштаблы инвестицион проектның беренче этабы гына. Проект кысаларында Карабикол авылында 86 эш урыны барлыкка киләчәк.
Яңа ферманың дүрт якты, иркен һәм җылы абзары һәм «елочка» тибында эшләнгән сыер саву залы бар.
«Бу проект тармакта нинди яңалык бар, шуларның барысын да үзенә җыйган: түбәсе - тәрәзәле, уйлап эшләнгән җилләтү системасы, биш комплексны берләштергән җылы галереяләр каралган. Иң мөһиме – малларга да, хезмәткәрләребезгә дә уңай һәм җылы», - дип сөйли «Карабикол» җәмгыятен гамәлгә куйган Фоат Гарифов.
Яңа технологияләр мал азыгы рационын төрләндерергә һәм, нәтиҗәдә, савымнарны арттырырга мөмкинлек бирәчәк.
«Һәр сыердан елына 8,5 мең литр сөт савып алырга планлаштырабыз. Хәер, заманча алымнар кулланып, еллык савымны 10 мең литрга кадәр җиткерергә мөмкинлек бирә», - дип киләчәк планнары белән уртаклаша предприе зоотехнигы Рәфыйк Бикмөхәммәтов.
«Яңа ферма – өлкә хөкүмәте тарафыннан хуплау алган инвестиция проектының беренче этабы гына. Киләсе елга сөтчелек комплексының икенче чираты тормышка ашырыла башлаячак», - дип Шенталы районы башлыгы Александр Лемаев.
Бу елның 9 аенда хуҗалыкның бөтен категорияләрендә 357,7 мең тонна сөт савып алынган. Бу 2022 елгы савымнар белән чагыштырганда, 8,7 тоннага күбрәк. Самара өлкәсе авыл хуҗалыкларында елдан-ел югарырак казанышларга ирешә бара. Өлкә буенча тулаем алганда, 2022 елда һәр сыердан 7075 кг сөт савып алынган. Бу 2021 ел нәтиҗәләренә караганда, 305 килога артыграк. Киләсе елда савымнар тагын да югарырак булыр, дип көтелә.
Кызыклы яңалыкларны күзәтеп бару өчен Телеграм-каналга язылыгыз