Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самарада узган татар теле олимпиадасында быел унбер мәктәп укучылары катнашкан
Олимпиада Самарада 2014 елдан оештырыла: башта анда “Яктылык” мәктәбе укучылары гына катнашкан булса, быел шәһәрнең башка мәктәпләре дә кушылган.
(Казан, 17 декабрь, "Татар-информ") Самараның “Яктылык” урта мәктәбендә шәһәр күләмендә татар теле һәм әдәбиятыннан олимпиада узган. Олимпиадада 1-11 сыйныф укучылары катнашкан, дип хәбәр итә Самараның Халыклар дуслыгы йорты матбугат хезмәте.
Олимпиада “Яктылык” мәктәбе белән өлкәнең “Туган тел” татар җәмгыяте тарафыннан оештырылган. Татар теленә, әдәбиятына, халык мәдәниятенә кызыксыну уяту максатын тоткан олимпиада Самарада 2014 елдан оештырылып килә. Беренче тапкыр анда “Яктылык” мәктәбе укучылары гына катнашкан булса, быел шәһәрнең унбер мәктәбеннән укучылар килгән.
Жюрида “Туган тел” җәмгыяте җитәкчесе Ильяс Шәкүров, җәмгыятьнең әгъзалары Азат Надиров, Фәгыйм Йосыпов, “Яктылык” мәктәбе директоры Радик Газизов, мәктәп мөгаллимнәре, шулай ук 2014 елда татар теле һәм әдәбиятыннан халыкара олимпиада призеры, 9 сыйныф укучысы Айгөл Нуриҗанова белән мәктәпнең “Сәләт” клубы әгъзасы Наилә Газизова эшләгән.
Олимпиада ике этапта узган. Беренче этапта язмача биремнәрне эшләргә, аннан соң телдән сынау тотарга туры килгән. Балалар татар телендә шигырьләр сөйләгән, җырлар башкарган, музыка уен коралларында татар көйләрен уйнаган.
Җиңүчеләр өлкә күләмендә үтәчәк олимпиадада катнашу хокукын алган.
Кызыклы яңалыкларны күзәтеп бару өчен Телеграм-каналга язылыгыз